Нууцлалын бодлого

«Хамтын Хүч констракшн» ХХК (цаашид «бид» гэх) нь «Хамтын хүч» апп (цаашид «Апп» гэх)-ыг дамжуулан таны хувийн мэдээллийг хариуцана. Энэхүү нууцлалын бодлого нь Аппыг ашиглах үед бид ямар мэдээллийг ашиглаж, ямар зорилгоор ашигладаг, хэрхэн хадгалж хамгаалдаг, таны ямар эрх байдаг талаар тайлбарлана.

1. Бид ямар мэдээлэл ашиглах вэ?

Аппын одоогийн хувилбар нь зээлийн үндсэн мэдээлэл, төлсөн дүн, үлдэгдлийг харуулахад дараах мэдээллийг ашиглана:

• нэр, утасны дугаар, и-мэйл болон хэрэглэгчийн бүртгэлийн таних мэдээлэл;
• орон сууц, блок-тоот, гэрээ болон зээлийн мэдээлэл;
• зээлийн үндсэн мэдээлэл, төлсөн нийт дүн, үлдэгдэл;
• үйлчилгээний аюулгүй ажиллагаанд шаардлагатай техникийн мэдээлэл.

Апп нь банкны картын бүтэн дугаар, PIN код, нууц үгийг ил хэлбэрээр хадгалах зориулалтгүй.

2. Мэдээллийг ямар зорилгоор ашиглах вэ?

Мэдээллийг зөвхөн дараах зорилгоор ашиглана:

• хэрэглэгчийг таньж, зөв гэрээ болон орон сууцтай холбох;
• зээлийн үндсэн мэдээлэл, төлсөн дүн, үлдэгдлийг харуулах;
• төлбөрийн бүртгэлийг компанийн үндсэн бүртгэлтэй тулж, зөрүүг илрүүлэх, шийдвэрлэх;
• үйлчилгээний мэдэгдэл, аюулгүй ажиллагаа, хэрэглэгчийн хүсэлтийг шийдвэрлэх;
• хууль, нягтлан бодох бүртгэлийн шаардлагыг биелүүлэх.

3. Мэдээлэл хаанаас ирэх вэ?

Мэдээлэл нь хэрэглэгчийн оруулсан мэдээлэл болон «Хамтын Хүч констракшн» ХХК-ийн гэрээ, орон сууц, төлбөрийн бүртгэлээс ирнэ. Демо горимын мэдээлэл нь бодит харилцагч, бодит төлбөрийг илэрхийлэхгүй.

4. Үйлчилгээ үзүүлэгчид

Аппыг ажиллуулахад бид дараах үйлчилгээ үзүүлэгчдийг ашигладаг:

• Firebase Authentication (Google) — нэвтрэлт, хэрэглэгчийн баталгаажуулалт;
• Railway — гэрээ, орон сууц, зээл, төлбөрийн үндсэн өгөгдлийн сан;
• Vercel — аппын серверийн холболт болон вэб хуудас байршуулалт;

Бид хэрэглэгчийн мэдээллийг зөвхөн дээрх зорилгоор эдгээр үйлчилгээ үзүүлэгчидтэй хуваалцах бөгөөд тэд энэхүү нууцлалын бодлоготой ижил буюу түүнээс дээш түвшний хамгаалалтыг хангах ёстой. Бид хэрэглэгчийн мэдээллийг зар сурталчилгаа, хяналт (tracking) зорилгоор ашиглахгүй бөгөөд худалдахгүй.

5. Хадгалалт, хамгаалалт, устгал

Гэрээ болон төлбөрийн бүртгэлийг 10 жил хадгална. Бусад мэдээллийг үйлчилгээ үзүүлэх болон хуульд шаардлагатай хугацаанд хадгална.

Хэрэглэгч өөрийн мэдээллээ харах, засуулах, хуульд зөвшөөрсөн хүрээнд устгуулах хүсэлт гаргаж болно. Хүсэлтийг khamtiinkhuch@mail.com хаягаар илгээнэ.

6. Холбоо барих

Нууцлалын бодлого, мэдээлэл харах болон устгуулах хүсэлтээр холбоо барих хаяг: